ஐபிஎல் 2025: டி20 கிரிக்கெட்டில் புதிய சாதனைக்காக காத்திருக்கும் விராட் கோலி!

மும்பை இந்தியன்ஸுக்கு எதிரான ஐபிஎல் லீக் போட்டியின் மூலம் ஆர்சிபி அணி வீரர் விராட் கோலி டி20 கிரிக்கெட்டில் புதிய சாதனையை படைப்பார் என்று எதிர்பார்க்கப்படுகிறது.

ஐபிஎல் 2025: டி20 கிரிக்கெட்டில் புதிய சாதனைக்காக காத்திருக்கும் விராட் கோலி! (Image Source: Google)

ஐபிஎல் தொடரின் 18ஆவது சீசன் நாளுக்கு நாள் ரசிகர்களின் எதிர்பார்ப்புகளை பூர்த்தி செய்து வருகிறது. அதிலும் ஒவ்வொரு ஆட்டத்திலும் விறுவிறுப்புக்கு பஞ்சமில்லாமல் நடைபெற்று வருவதன் காரணமாக ரசிகர்களின் எதிர்பார்ப்புகளும் அதிகரித்துள்ளன. 

இந்நிலையில் இத்தொடரில் நாளை நடைபெறும் 20ஆவது லீக் போட்டியில் ஹர்திக் பாண்டியா தலைமையிலான மும்பை இந்தியன்ஸ் மற்றும் ரஜத் படிதர் தலைமையிலான ராயல் சேலஞ்சர்ஸ் பெங்களூரு அணிகள் பலப்பரீட்சை நடத்தவுள்ளன. இவ்விரு அணிகளுக்கும் இடையேயான இப்போட்டியானது மும்பையில் உள்ள வான்கடே கிரிக்கெட் மைதானத்தில் நடைபெறவுள்ளது.

இதில் இரு அணிகளும் தோல்விகு பிற்கு இப்போட்டியை எதிர்கொள்ளவுள்ளதன் காரணமாக, இதில் எந்த அணி வெற்றிபெறும் என்ற எதிர்பார்ப்புகள் ரசிகர்கள் மத்தியில் அதிகரித்துள்ளன. இதற்காக இரு அணி வீரர்களும் தீவிரமாக தயாராகி வருகின்றனர். இந்நிலையில் இப்போட்டியின் மூலம் ராயல் சேலஞ்சர்ஸ் பெங்களூரு அணி வீரர் விராட் கோலி டி20 கிரிக்கெட்டில் சில சாதனைகளை படைக்கும் வாய்ப்பை பெற்றுள்ளார். 

13000 டி20 ரன்கள்

அதன்படி இப்போட்டியில் விராட் கோலி மேற்கொண்டு 17 ரன்களைச் சேர்க்கும் பட்சத்தில் டி20 கிரிக்கெட்டில் தனது 13ஆயிரம் ரன்களைப் பூர்த்தி செய்வார். இந்த மைல்கல்லை எட்டும் பட்சத்தில் டி20 கிரிக்கெட்டில் இந்த சாதனையை படைக்கும் முதல் இந்தியர் மற்றும் உலகின் 5ஆவது வீரர் எனும் பெருமையையும் விராட் கோலி பெறுவார். அதுமட்டுமில்லால் டி20 கிரிக்கெட்டில் அதி வேகமமாக இந்த மைல் கல்லை எட்டிய இரண்டாவது வீரர் எனும் பெருமையையும் பெறுவார். 

முன்னதாக இங்கிலாந்து அணியின் அலெக்ஸ் ஹேல்ஸ் 474 இன்னிங்ஸ்களில் 13ஆயிரம் ரன்களைக் கடந்ததே இரண்டாம் இடத்தில் உள்ளார். அதேசமயம் இந்த பட்டியலில் வெஸ்ட் இண்டீஸின் முன்னாள் ஜாம்பவான் கிறிஸ் கெயில் 381 இன்னிங்ஸ்களில் இந்த மைல் கல்லை எட்டி முதலிடத்தில் உள்ளார்.  வரை சாதனையாக இருந்து  வருகிறது. அதேசமயம் விராட் கோலி இதுவரை 385 இன்னிங்ஸ்களில் 41.47 என்ற சராசரியுடன் 12983 ரன்களை எடுத்துள்ளார் என்பது குறிப்பிடத்தக்கது. 

டி20 போட்டிகளில் அதிவேகமாக 13000 ரன்கள் (இன்னிங்ஸ் வாரியாக)

• கிறிஸ் கெய்ல் - 381 இன்னிங்ஸ்கள்
• அலெக்ஸ் ஹேல்ஸ் - 474 இன்னிங்ஸ்
• சோயிப் மாலிக் - 487 இன்னிங்ஸ்
• கீரோன் போலார்டு - 594 இன்னிங்ஸ்

ரோஹித் சர்மாவை வீழ்த்த வாய்ப்பு.

இந்தப் போட்டியில் விராட் கோலி மேற்கொண்டு ஆறு சிக்ஸர்கள் அடித்தால், ஐபிஎல் வரலாற்றில் அதிக சிக்ஸர்கள் அடித்த வீரர்கள் பட்டியலில் ரோஹித் சர்மாவை முந்தி இரண்டாவது இடத்தைப் பிடிப்பார். இதுவரை விராட் கோலி ஐபிஎல் தொடரில் 276 சிக்ஸர்கள் அடித்துள்ளார், அதே நேரத்தில் ரோஹித் சர்மா 281 சிக்ஸர்கள் அடித்துள்ளார். இந்த பட்டியலில் வெஸ்ட் இண்டீஸ் ஜாம்பவான் கிறிஸ் கெய்ல் 357 சிக்ஸர்களுடன் முதலிடத்தில் உள்ளார் என்பது குறிப்பிடத்தக்கது. 

ஐபிஎல் தொடரில் அதிக சிக்ஸர்கள்

• கிறிஸ் கெயில் - 357 சிக்ஸர்கள்
• ரோஹித் சர்மா - 281 சிக்ஸர்கள்
• விராட் கோலி - 276 சிக்ஸர்கள்
• எம் எஸ் தோனி - 255 சிக்ஸர்கள்
• ஏபிடி வில்லியர்ஸ் - 251 சிக்ஸர்கள்

நடப்பு சீசனில் விராட் கோலி முதலிரண்டு போட்டிகளில் சிறப்பான ஆட்டத்தை வெளிப்படுத்தி இருந்த நிலையில், கடந்த போட்டியில் அவர் பெரிதளவில் ரன்களைச் சேர்க்க முடியாமல் தடுமாறினார். இதனால் மீண்டும் அவர் பழைய ஃபார்முக்கு திரும்ப வேண்டிய நிலைக்கு தள்ளப்பட்டுள்ளார். இதனால் நாளைய ஆட்டத்தில் அவர் தனது ஃபார்மை மீட்டெடுப்பதுடன், ரன்களையும் குவிப்பார் என்று எதிர்பார்க்கப்படுகிறது. 

Win Big, Make Your Cricket Tales Now