முத்தரப்பு டி20 தொடர்: ஜிம்பாப்வே அணி அறிவிப்பு!
முத்தரப்பு டி20 தொடரில் விளையாடும் சிக்கந்தர் ரஸா தலைமையிலான ஜிம்பாப்வே அணியை அந்நாட்டு கிரிக்கெட் வாரியம் இன்று அறிவித்துள்ளது.
ஜிம்பாப்வே கிரிக்கெட் அணி தென் ஆப்பிரிக்கா மற்றும் நியூசிலாந்து அணிகளுடன் இணைந்து முத்தரப்பு டி20 தொடரில் விளையாடவுள்ளது. இந்த முத்தரப்பு டி20 தொடரானது ஜூலை 14ஆம் தேதி முதல் நடைபெறவுள்ளது. மேலும் இந்த முத்தரப்பு டி20 தொடரில் விளையாடும் தென் ஆப்பிரிக்கா மற்றும் நியூசிலாந்து அணிகள் சமீபத்தில் அறிவிக்கப்பட்டது. இதில் தென் ஆப்பிரிக்க அணியின் கேப்டனாக ரஸ்ஸி வேண்டர் டுசென் நியமிக்கப்பட்டுள்ளார்.
மேலும் இந்த அணியில் கார்பின் போஷ், லுவான்-ட்ரே பிரிட்டோரியஸ், ரூபின் ஹெர்மன் மற்றும் செனுரான் முத்துசாமி உள்ளிட்ட அறிமுக வீரர்களுடன் ஐபிஎல் தொடரில் சிறப்பாக செயல்பட்ட டெவால்ட் பிரீவிஸுக்கு வாய்ப்பு வழங்கப்பட்டுள்ளது. மறுபக்கம் மிட்செல் சான்ட்னர் தலைமையிலான நியூசிலனது அணியில் பென் சீயர்ஸ், லோக்கி ஃபெர்குசன், கைல் ஜேமிசன், கேன் வில்லியம்சன் உள்ளிட்ட வீரர்கள் இடம்பிடிக்கவில்லை என்பது குறிப்பிடத்தக்கது.
இந்நிலையில் இந்த முத்தரப்பு தொடருக்கான ஜிம்பாப்வே அணி இன்று அறிவிக்கப்பட்டுள்ளது. இந்த அணியின் கேப்டனாக சிக்கந்தர் ரஸா தொடரும் நிலையில், காயத்தில் இருந்து மீண்டுள்ள ரிச்சர்ட் ந்ங்கரவா மற்றும் பிரையன் பென்னட் உள்ளிட்டோரும் இடம்பிடித்துள்ளனர். மேற்கொண்டு ரியான் பர்ல், டோனி முனியோங்கா மற்றும் தஷிங்கா முசெகிவா உள்ளிட்டோரும் டி20 அணியில் தங்கள் இடங்களைத் தக்கவைத்துள்ளது குறிப்பிடத்தக்கது.
ஜிம்பாப்வே டி20 அணி: சிக்கந்தர் ரஸா (கேப்டன்), பிரையன் பென்னட், ரியான் பார்ல், ட்ரெவர் குவாண்டு, கிளைவ் மடாண்டே, வெஸ்லி மாதேவரே, டினோடெண்டா மபோசா, வெலிங்டன் மசகட்சா, வின்சென்ட் மசகேசா, டோனி முனியோங்கா, தஷிங்கா முசெகிவா, பிளஸ்ஸிங் முசரபானி, டியான் மியர்ஸ், ரிச்சர்ட் ங்கராவா, நியூமன் நியாம்ஹுரி, தஃபட்ஸ்வா சிகா.
Also Read: LIVE Cricket Score
முத்தரப்பு டி20 தொடர்
- முதல் டி20, ஜூலை 14 - ஜிம்பாப்வே vs தென் ஆப்பிரிக்கா, ஹராரே ஸ்போர்ட்ஸ் கிளப்
- 2ஆவது டி20, ஜூலை 16 - தென் ஆப்பிரிக்கா vs நியூசிலாந்து, ஹராரே ஸ்போர்ட்ஸ் கிளப்
- 3ஆவது டி20, ஜூலை 18 - ஜிம்பாப்வே vs நியூசிலாந்து, ஹராரே ஸ்போர்ட்ஸ் கிளப்
- 4ஆவது டி20, ஜூலை 20 - ஜிம்பாப்வே vs தென் ஆப்பிரிக்கா, ஹராரே ஸ்போர்ட்ஸ் கிளப்
- 5ஆவது டி20, ஜூலை 22 - நியூசிலாந்து vs தென் ஆப்பிரிக்கா, ஹராரே ஸ்போர்ட்ஸ் கிளப்
- 6ஆவது டி20, ஜூலை 24 - ஜிம்பாப்வே vs நியூசிலாந்து, ஹராரே ஸ்போர்ட்ஸ் கிளப்
- இறுதிப்போட்டி, ஜூலை 26 - ஹராரே ஸ்போர்ட்ஸ் கிளப்
Win Big, Make Your Cricket Tales Now
