ஆசிய கோப்பை தொடரில் அதிக ரன்களை அடித்த டாப் 3 வீரர்கள்!

Top-3 Players With Most Runs In T20 Asia Cup History: ஆசிய கோப்பை டி20 தொடரின் 17ஆவது சீசன் இன்னும் சில தினங்களில் தொடங்கவுள்ள நிலையில், இத்தொடரில் அதிக ரன்களை அடித்த 3 வீரர்கள் குறித்து இந்த பதிவில் பார்ப்போம். 

ஆசிய கிரிக்கெட் சங்கத்தில் சார்பில் ஒவ்வொரு இரண்டு ஆண்டுக்கும் ஒருமுறை ஆசிய கோப்பை கிரிக்கெட் தொடரானது நடத்தப்பட்டு வருகிறது. இதில் இந்தியா, இலங்கை, வங்கதேசம், பாகிஸ்தான், நேபாள், ஆஃப்கானிஸ்தான் உள்ளிட்ட அணிகள் விளையாடுவது வழக்கம். மேலும் ஐசிசி ஒருநாள் உலகக்கோப்பை நடைபெறும் போது இத்தொடரானது ஒருநாள் வடிலும், டி20 உலகக்கோப்பை தொடரின் போது டி20 வடிவிலும் நடத்தப்பட்டு வருகிறது.

அந்தவகையில் நடப்பு ஆசிய கோப்பை தொடரானது டி20 வடிவில் எதிவரும் செப்டம்பர் மாதம் முதல் நடைபெறவுள்ளது. அந்தவகையில் இந்தாண்டு ஆசிய கோப்பை கிரிக்கெட் தொடரானது யுஏஇ-ல் எதிர்வரும் செப்டம்பர் 09ஆம் தேதி தொடங்கி, இறுதிப்போட்டியானது செப்டம்பர் 28ஆம் தேதி நடைபெறும் என்று அறிவிக்கப்பட்டுள்ளது. மொத்தம் 8 அணிகள் பங்கேற்கும் இத்தொடரில் குரூப் ஏ பிரிவில் இந்தியா, பாகிஸ்தான், ஐக்கிய அரபு அமீரகம், நேபாள் ஆகிய அணிகள் இடம்பிடித்துள்ளன.

அதேசமயம், குரூப் பி பிரிவில் இலங்கை, வங்கதேசம், ஆஃப்கானிஸ்தான் மற்றும் ஹாங்காங் அணிகளும் இடம்பிடித்துள்ளன. மேலும் இத்தொடரில் பங்கேற்கும் அணிகளும்  அறிவிக்கப்பட்டு வருகின்றன. இந்நிலையில் ஆசிய கோப்பை தொடர் வரலாற்றில் அதிக ரன்களைக் குவித்த டாப் 3 வீரர்கள் குறித்து இந்த பதிவில் பார்ப்போம். அதேசமயம் இந்த பட்டியலில் இரண்டு வீரர்கள் இடம்பிடித்துள்ளனர்.

3. ரோஹித் சர்மா

இந்த பட்டியலில் மூன்றாம் இடத்தைப் பிடிப்பவர் இந்திய அணியின் முன்னாள் வீரர் ரோஹித் சர்மா. ஆசிய கோப்பை  டி20 தொடரில் இதுவரை 9 போட்டிகளில் விளையாடியுள்ள அவர் 30.11 சராசரியாகவும் 141.14 ஸ்ட்ரைக் ரேட்டிலும் 271 ரன்கள் எடுத்தார். இதில் அவர் இரண்டு அரைசதங்களை அடித்துள்ளார் என்பது குறிப்பிடத்தக்கது.

2. முகமது ரிஸ்வான்

இந்த பட்டியலில் இடம் பெற்றுள்ள ஒரே பாகிஸ்தான் வீரர் விக்கெட் கீப்பர் பேட்ஸ்மேன் முகமது ரிஸ்வான் மட்டுமே. இந்த சிறப்புப் பட்டியலில் அவர் 6 போட்டிகளில் 3 அரைசதங்களுடன் 56.20 சராசரியுடன் 281 ரன்கள் எடுத்து இரண்டாவது இடத்தைப் பிடித்துள்ளார்.

1. விராட் கோலி

Also Read: LIVE Cricket Score

இந்தியாவின் சிறந்த பேட்ஸ்மேன் விராட் கோலி, ஆசிய கோப்பை டி20 தொடரில் அதிக ரன்கள் எடுத்த சாதனையைப் படைத்துள்ளார், அவர் 10 போட்டிகளில் 9 இன்னிங்ஸ்களில் 85.80 சராசரியுடன் 429 ரன்கள் எடுத்து இந்த சாதனையை படைத்துள்ளார். இதில் அவர் 1 சதம் மற்றும் 3 அரைசதங்களை அடித்துள்ளார் என்பதும் குறிப்பிடத்தக்கது.