Mitchell marsh
உலகக்கோப்பை தொடருக்கு முன் மார்ஷ் முழு உடற்தகுதியை எட்டிவிடுவார் - ஆண்ட்ரூ மெக்டொனால்ட்!
ஐசிசி டி20 உலகக்கோப்பை கிரிக்கெட் தொடரானது வரும் ஜூன் மாதம் அமெரிக்கா மற்றும் வெஸ்ட் இண்டீஸில் நடைபெறவுள்ளது. இத்தொடருக்காக அனைத்து அணிகளும் தீவிரமாக தயாராகி வருகின்றான. அதன்படி இத்தொடரில் பங்கேற்கும் அணிகளை அந்நாட்டு கிரிக்கெட் வாரியம் அறிவித்துள்ளது. அதன்படி ஆஸ்திரேலிய கிரிக்கெட் வாரியமும் மிட்செல் மார்ஷ் தலைமையிலான டி20 உலகக்கோப்பை அணியை அறிவித்தது.
இந்நிலையில், ஆஸ்திரேலிய அணியின் கேப்டன் மிட்செல் மார்ஷ் சமீபத்தில் இந்தியாவில் நடைபெற்றுவரும் ஐபிஎல் தொடரில் டெல்லி கேப்பிட்டல்ஸ் அணிக்காக விளையாடி வந்தார். இத்தொடரின் போது காயமடைந்த அவர், மேற்கொண்டு சிகிச்சை பெறுவதற்காக ஆஸ்திரேலியா திரும்பினார். அங்கு அவருக்கு தேவையான சிகிச்சைகள் வழங்கப்பட்ட நிலையிலும், அவர் ஐபிஎல் தொடரிலிருந்து விலகுவதாக அறிவித்தார்.