Ajinkya rahane
வெஸ்ட் இண்டீஸ் புறப்பட்ட இந்திய வீரர்கள்!
வெஸ்ட் இண்டீஸ்க்கு சுற்றுப்பயணம் மேற்கொள்ளும் இந்திய அணி இரண்டு டெஸ்ட் 3 ஒரு நாள் மற்றும் 5 டி20 போட்டிகள் கொண்ட தொடரில் பங்கேற்கிறது. இந்த தொடருக்கான இந்திய அணி ஏற்கனவே அறிவிக்கப்பட்டிருக்கிறது. இதில் உலக டெஸ்ட் சாம்பியன்ஷிப் இறுதி போட்டியில் இந்திய அணி ஆஸ்திரேலியாவுடன் தோல்வியை தழுவிய நிலையில் மீண்டும் இந்திய அணி டெஸ்ட் தொடரில் பங்கேற்கிறது.
வெஸ்ட் இண்டீஸ் பலம் குன்றிய அணி என்பதால் அவர்களை வீழ்த்தி நானும் ரௌடி தான் என்று இந்திய அணி நிரூபிக்க தயாராக இருக்கிறது. முக்கியமான பெரிய தொடருக்கு எல்லாம் கடைசி நேரத்தில் சென்று மிதி வாங்கிக் கொண்டு வந்த இந்திய அணி இம்முறை ரசிகர்களின் நம்பிக்கை பெறுவதற்காக பல்வேறு முயற்சிகளில் ஈடுபட்டு இருக்கிறது. வெஸ்ட் இண்டீஸ் தொடர் தொடங்குவதற்கு இன்னும் 12 நாட்கள் உள்ள நிலையில் இந்திய அணியின் முதல் குழு தற்போது வெஸ்ட் இண்டீஸ்க்கு சென்றுள்ளது.