Team india
ஐசிசி டி20 உலகக்கோப்பை: புதிய ஜெர்ஸியில் களமிறங்கும் இந்திய அணி!
ஐசிசியின் டி20 உலகக்கோப்பை தொடர் அடுத்த மாதம் வெஸ்ட் இண்டீஸ் மற்றும் அமெரிக்காவில் நடைபெற உள்ளது. மொத்தம் 20 அணிகள் கலந்துகொள்ளும் இத்தொடரின் மீதான எதிர்பார்ப்புகளும் நாளூக்கு நாளு ரசிகர்கள் மத்தியில் அதிகரித்த வண்ணமே உள்ளன. அதன்படி 20 அணிகளும் நான்கு குழுக்களாக பிரிக்கப்பட்டு பலப்பரீட்சை நடத்தவுள்ளது. இதில் லீக் சுற்றின் முடிவில் ஒவ்வொரு குழுவிலும் முதல் இரண்டு இடங்களைப் பிடிக்கும் அணிகள் சூப்பர் 8 சுற்றுக்கு முன்னேறும்.
அதன்பின் சூப்பர் 8 சுற்றின் முடிவில் அதிலிருந்து நான்கு அணிகள் அரையிறுதிச்சுற்றுக்கு முன்னேறி, அதில் வெற்றிபெறும் இரு அணிகள் இறுதிச்சுற்றில் விளையாடவுள்ளன. இத்தொடரில் இந்திய அணியானது குரூப் ஏ பிரிவில் இடம்பிடித்துள்ளது. அதன்படி குரூப் ஏ பிரிவில் இந்திய அணியுடன் சேர்த்து பாகிஸ்தான், அயர்லாந்து, அமெரிக்கா, கனடா உள்ளிட்ட அணிகள் இடம்பிடித்துள்ளனர்.
