Cricket
சிபிஎல் 2024: நைட் ரைடர்ஸை வீழ்த்தி முதல் வெற்றியைப் பதிவுசெய்த ஃபால்கன்ஸ்!
கரீபியன் பிரிமியர் லீக் டி20 கிரிக்கெட் தொடரில் இன்று நடைபெற்ற 8ஆவது லீக் ஆட்டத்தில் ஆன்டிகுவா & பார்புடா ஃபால்கன்ஸ் மற்றும் டிரின்பாகோ நைட் ரைடர்ஸ் அணிகள் பலப்பரீட்சை நத்தின. இப்போட்டியில் டாஸ் வென்ற நைட் ரைடர்ஸ் அணியானது முதலில் பந்துவீசுவதாக அறிவித்தது. இதையடுத்து களமிறங்கிய ஃபால்கன்ஸ் அணிக்கு ஃபகர் ஸமான் - ஜஸ்டின் க்ரீவ்ஸ் ஆகியோர் தொடக்கம் கொடுத்தனர். இருவரும் தொடக்கம் முதலே அதிரடியாக விளையாடியதுடன், முதல் விக்கெட்டிற்கு 65 ரன்கள் பார்ட்னர்ஷிப் அமைத்து அணிக்கு தேவையான பார்ட்னர்ஷிப்பையும் அமைத்து கொடுத்தனர்.
அதன்பின் அரைசதம் அடிப்பார் என எதிர்பார்க்கப்பட்ட ஜஸ்டின் க்ரீவ்ஸ் 37 ரன்களை எடுத்திருந்த நிலையில் விக்கெட்டை இழக்க, மறுபக்கம் 38 ரன்களை எடுத்திருந்த ஃபகர் ஸமானும் தனது விக்கெட்டை இழந்தார். அதனைத்தொடர்ந்து களமிறங்கிய ரோஷன் பிரிமஸ் 19 ரன்களுக்கும், ஜூவெல் ஆண்ட்ரூ 2 ரன்களுக்கும் என அடுத்தடுத்து ஆட்டமிழந்து ஏமாற்றமளித்தனர். பின்னர் இணைந்த இமாத் வசீம் - ஃபேபியன் ஆலன் இணை அதிரடியாக விளையாடி அணியின் ஸ்கோரை உயர்த்தும் முயற்சியில் இறங்கினர். இதில் இமாத் வசீம் 46 ரன்களில் ஆட்டமிழந்தாலும், இறுதிவரை ஆட்டமிழக்காமல் இருந்த ஃபேபியன் ஆலன் 25 ரன்களைச் சேர்த்தார்.
Related Cricket News on Cricket
Cricket Special Today
-
- 18 Mar 2024 07:47
-
- 16 Mar 2024 07:24