Tanush kotian
ஐபிஎல் 2024: ஆடம் ஸாம்பாவிற்கு பதிலாக தனுஷ் கோட்யானை தேர்வு செய்தது ராஜஸ்தான் ராயல்ஸ்!
ஐபிஎல் என்றழைக்கப்பட்டும் இந்தியன் பிரீமியர் லீக் கிரிக்கெட் திருவிழாவின் 17ஆவது சீசன் இன்று முதல் கோலாகலமாக தொடங்கவுள்ளது. மொத்தம் 10 அணிகள் பங்கேற்கும் இத்தொடரில் எந்த அணி கோப்பையை வென்று சாம்பியன் பட்டத்தை வெல்லும் என்ற எதிர்பார்ப்புகள் ரசிகர்கள் மத்தியில் தற்போதிலிருந்தே தொடங்கிவிட்டன. அதற்கேற்றவகையில் அனைத்து ஐபிஎல் அணிகளும் தீவிரமாக இத்தொடரை எதிர்கொள்ள தயாராகி வருகின்றன.
இந்நிலையில் சஞ்சு சாம்சன் தலைமையில் மீண்டும் களமிறங்கும் ராஜஸ்தான் ராயல்ஸ் நடப்பு ஐபிஎல் சீசனில் கோப்பையை வெல்லும் முனைப்புடன் களமிறங்கவுள்ளது. இதற்காக அந்த அணி கடந்த இரண்டு வாரங்களுக்கு மேலாக தீவிர பயிற்சியில் ஈடுபட்டுவருகிறது. இந்நிலையில் தனிப்பட்ட காயம் காரணமாக நட்சத்திர சுழற்பந்து வீச்சாளர் ஆடம் ஸாம்பா நடப்பு ஐபிஎல் தொடரிலிருந்து விலகியுள்ளார்.